నరేష్ వీకే, అనుపమ పరమేశ్వరన్, తరుణ్ భాస్కర్, రాజ్ వెడ్స్ రాంబాయి ఫేమ్ అఖిల్ ఉడ్డెమారి ప్రధాన పాత్రల్లో నటిస్తున్న సినిమా ‘క్రేజీ కల్యాణం‘. ఈ చిత్రాన్ని యారో సినిమాస్ బ్యానర్ పై ప్రొడక్షన్ నెం. 2గా బూసమ్ జగన్ మోహన్ రెడ్డి నిర్మిస్తున్నారు. దర్శకుడు బద్రప్ప గాజుల రూపొందిస్తున్నారు. పెళ్లి చుట్టూ సాగే ఆసక్తికరమైన కథతో పూర్తి ఎంటర్టైన్మెంట్తో సాగే చిత్రమిది. ‘క్రేజీ కల్యాణం‘ మూవీ టైటిల్ లుక్ పోస్టర్ను రిలీజ్ చేశారు మేకర్స్. తెలంగాణలోని పలు గ్రామీణ ప్రాంతాల్లో సినిమా చిత్రీకరణ జరిపారు. సురేష్ బొబ్బిలి ‘క్రేజీ కల్యాణం‘ సినిమాకు సంగీతాన్ని అందిస్తున్నారు.
